سعد العبدالكريم

:: الرحلة الخميسية الى صلاصل الباريسية :: <<< عارف ما احد فاهم وش دخل صلاصل في باريس

بس ليله الخميس كانت برررررد .. والظاهر ان البرد يذكرني بباريس <<< وش عنده الي رايح باريس ..

لا بس على بالي بأجيب سجع ..

عموما ..

الرحله هذي يا شباب .. كأنت البداية .. من احد الشباب .. قال شوفوا لنا طلعه بريه ..

وخلونا نطلع بر .. يعني مو تودونا ورى الميزان وتسكتونا .. نبي بر يعني بر .. يعني تحس انك طالع بر <<< طيب ابلشتنا عطنا السالفه ..

============

تم تجهيز الاغراض والعده الظهر .. وكان الجو ولا احلى ..

وركبناها في الونيت ..

ومن هنا كانت البدايه ..

بعد ما إنطلقنا توجهنا الى خط الرياض .. والى صلاصل مباشره ..

وحنا بالطريق .. ترى ما طار علينا القدر .. بس حبيت اعطيكم المعلوميه .. بس وقفنا عند اقرب بقاله وشرينا قدر ثاني .. وبساكيت وشغل طيب <<< تقل طالعين للشاليهات ما طلعنا للبر ..

وتبي تشوفون الصور الي على كيف كيفك ..

وصلنا لصلاصل .. وحطينا اغراضنا

وصلنا تقريبا قبل المغرب بـ ربع ساعه ..

وشبة هالنار يالله من فضلك .. ولا احلى .. بس برررررررررد .. من جد برد درجه الحراره تحت الــ 5 <<< ما قلتلكم كاننا في باريس ..

وهذا الشبوس والحلويات والفشار <<< قايلكم طالعين الشاليهات ما طلعنا للبر ..

وبدينا بالطبخ يالله من فضلك على الحطب والفحم .. بطباخ ماشاء الله لا قوه الا بالله ..

صحيح انه تدرب علينا من قبل .. بس الطبخه ولا اروع ..

خلينا الطباخ يطبخ ما يقصر .. وأخذنا لنا جوله ليليه على كيف كيفك .. والي يعرف صلاصل .. طعوسها ولا احلى .. مغطيه على ام دباب <<< بيجون القصمان يبلشونا الحين ..

دخلنا قريه صلاصل .. طبعا على كيف كيفك .. ومرينا البقاله .. خبركم الببسي اهم شيء مع العشــاء .. طبعا هذا بعد التمشي وخضخضه البطون .. بس بصراحه الونيت الي معنا ما توقعناه كذا .. جاااااااااااامد اللهم بارك ..

بعد ما تعشينا جلسنا على الضويه يالله من فضلك .. وتكينا <<< هي ما يعرفها الا الي طلع معنا ..

وعينا من الله خير .. وجونا بعض الناس متأخرين لكن مشيناها لهم اجل احد يجي الساعه 12:30 في الليل .. الله يهديهم بس ..

ورجعنا يالله من فضلك .. وما يخلوا الطريق من الدعابات الخفيفه .. <<< وش عنده دعابه .. على باله لغه عربيه فصحى ..

في امان الله ..