سعد العبدالكريم

:: الصَمان ::

قال علامة الجزيرة حمد الجاسر رحمه الله “الصمان من أشهر الأمكنة التي ترتادها البادية حين يجود الغيث، فتصبح من أجود المراعي، حيث تتوفر فيه جميع أنواع حشائش الرعي. وهي منطقة واسعة تقع شرق الدهناء. يدعى الجانب الجنوبي الشرقي من الصمان ” الصلب ” والجانب الشمالي الغربي يدعى ” الصمان “. وقد يقع الخلط بين الجانبين قديما وحديثا لتشابه طبيعة الأرض فيها، ولعدم وجود مميزات جغرافية بينهما.

السلام عليكم ورحمة الله وبركــاته ..

الصمــان ومــا أدراك مــا الصمـــان ..

تلك الدروب التي عشقتها .. وعشقت الذهاب اليها ..

ومن العشق ما قتل .. !!

بداية .. الصور كثيرة .. ولذلك لنحيطكم بجميع ما حدث في الرحله ..

فتفرغ حين تقرأ هذا الموضوع وأغلق غيره .. كي تستمتع ..

سامحونـا على الهبال الي بالموضوع .. بس علشان نوسع صدوركم …

كــانت انطلاقتنـــا وترتيباتنا سريعة ..

تم الإنطلاق فجرا <<< فجر حظر .. يعني الساعه 9 .. هع هع .. بعد تجهيز العده .. وصحبة النشــاما ..

ياماحـلا المسـرى مـع شـقّـة الـنـور
من قبل خيط الشمـس يبـدي شعاعـه
مـع رفقـةٍ مافيهـم اللـي بــه قـصـور
ربــعٍ تـربــوا عـالـكـرم والشـجـاعـه

من هنــا كــانت الإنطلاقة ..!!

من أراضي الدمام الحبيبه .. وتلك الأجواء العليله ..

قبل الإنطلاق مرينـا على البوفيه .. لزوم الفطور ..

كـ ( علشان ما نجوع .. لأنها مسكة خط هالمره طويله )

بمناسبه الـ ( ك ) .. هذه رحله أسميناها .. رحلة الـ ( ك ) .. ورحلة البنشر .. ورحلة السمثنق ..

ما يعرف الرموز هذي الا الي راح معنـا الرحله ..

طبعا بين كله كلمة وكلمه لازم تدخل حرف الكاف في السالفه ..

مثلا تقول .. كفقع .. تقول ككيف الحال ما تقول كيف الحال .. لازم تدخل الـكاف الجديده هذي :ax1:

والبنشر .. جايه قصته في الطريق ..

والسمنثق .. مشفره .. كون انها آخر الرحله .. والي ما يصلي يا ويله :ax1:

===

كمشينـا إلى الصمـان عن طريق الرياض .. كمرورا بعريعره أولى المحطات الصمانية الطرفيه ..

وصلنا حنيذ .. ودق علينا واحد نشب لنـا ونشبت له انا .. توه يقول ابي اجي للطلعه .. يوم مشينـا .. وحنا متوهقين بالسيارات .. وأبو الشباب صاحب الكفر المبنشر يوم قام من النوم وشبع قال بأجي .. لكن هين يا ابو كفر .. التوبه التوبه .. كوريك يا كور .. هع هع ..

عطيناه الإحداثيات حقت فيضتنـا .. ودخلنـا .. لكن كخوينـا ما عرف يدخل الإحداثيات في سيارته ..

وكدخلنـا للبر .. وكوصلنا لفيضتنـا .. وعينك ما تشوف الا النور .. أنواع الزحمه في الفيضه .. شكلها من المواضيع الي كاتبها الأيام الماضيه ..

والله .. وكنروح لفيضه ثانيه .. وكنلقاها صغيره .. بس خيااااال .. وسيرنا على فياض ثانيه عن فيضتنا .. وبرضوا حلوه .. بس زحمتيشن ..

وكشاورنا الشباب الي معنـا بالرحله .. وقالوا نرجع لفيضة الزحمه ..

والله وكنرجع لها .. ونزلنـا الكفش .. يعني العفش .. <<< قلنا لكم رحلة الكاف ..

والله واطلع للرجاال اول ما نزلنا الأغراض .. أبو أم المشوار .. 40 كيلو .. بر .. وانواع الطريق الي مدري وش يبي .. لكن .. قلنا خلنا نكسب الرجال .. كلاكن رايح فيها طلع .. ككككككك

والله وارجع .. ابي اعبي بنزان .. ماليقنا بنزان .. يا ولد غير بدل .. ماكو فايده ..

والله وكندخل مره ثانيه كالبر .. وما وصلنا للشباب الى على الساعه 7:30 في الليل .. وانا طالع له من الساعه 4 العصر .. .. راحت الرحله مشاوير .. بس يستاكل راعي الكفر .. خخخخخ :ax1:

كبخلع فيكم بذا الموضوع مع الأخ برشومنقو .. هع هع ..

والله وصلنا بالليل عند الشبيبه .. وانا تاااافل العافيه .. أنواع المشاوير من فجر الله ..

والله والشباب طبخوا لنا ذيك الرزيزه الي يحبها قلبك .. <<< والله ماظنيته يا ابو ابراهيم .. بس كنمشيها لك .. كككك .. الله يخلي راعي الكفر الي ملحها .. هع هع ..

والله وكنتعشى .. وكنجلس على بتاع الحطب .. والجميرات .. ونمنا عقبها .. بس فيه بعض الشعب الي ما ناموا ابد ابدابدا الليله الماضيه ما ازعجونا ابد ..

اول ما خلصنا العشى .. راحو يشوون لهم باجر .. انواع الحلى الي مدري وش يبي .. والله يا عليهم بطون بعد .. ما اقول الا ما اشاء الله ..

طبعا ما قدرنا ننام الا يوم نامو الشعب الكريم .. راعي الكفر وبرشمنقو راعي الكاف … :ax1:

بس احسن شيء سواه راعي الكفر .. انه غسل القدور والصحون وحنا نايمين .. ياليت كل الكشاته الي تكشت معهم كذا ..

قمنـا الفجر .. ويا شباب يا شباب .. وجزاه الله خير ..

طبعا ولله الحمد ما معنا أحد يشخر .. صح يا شباب .. ايه صح .. <<< عطوه جوه ..

صلينا الفجر .. وتمشينـا بالروضه ..

وزقطنـا بعض الناس علمناهم على الفيضه .. وسبقونا لها .. <<< علمناهم على الطراره سبقونا على الابواب <<< أنواع التشبيه .. :ax1:

طبعا لزوم الرحله أن يكون معك مثل الشيء هذا ..

وان شاء الله أن الأمور أمان .. بس الإحتياط طيب ..

تراه مصّرح .. يعني لا أحد يبلشنا ..

وحليبه على الصبحيه من يد معلم الزوله .. اااااي .. <<<< انا زاتي ما مستعجل ..

طبعا الحليب هذا اسمه .. حليب ماما حصه .. يعني ماركه مسجله .. مثل المراعي وكي دي دي .. والصافي … الخ .. هذا حليب ماما حصه ..

فيه شاهي على كليب <<< حليب .. وزنجبيل .. وبتاع كله داخل في هالبريق .. بس خل عنك حليب كيييييف ..

من المواقف الطريفه ان حنا جبنا سرندل غاز .. ونسينا العين ..

يعني أخذ مكان في الونيت على الفاضي ..

وحيدا فريدا ..

العزبه .. وعلوم السنع كله موجود .. بس تفضل انت

الندى .. ما أجملهُ حين تراه يكسوا الأوراق الخضراء ..

إلتقطنا له صوره لكن على ورقه بيضـاء ليكون أوضح ..

جمال الطبيعه الخلابه في فيضة الهلاليات ..

البيض .. والشكشوكه .. كانت رفيقة الفطور .. وكبدة كاشي << حاشي .. من عريعره .. بس ما أحد أكلها .. ككككك

كان رفقاء دربنـا الأعزاء في هذه الرحله ..

إنطلقنا متوجهين للفياض الأخرى في الليله الثانية ..

وإلتقطنـا بعضا من الصور ونحن في الطريق .. فياض يكسوها الجمال الأخضر .. نسأل الله أن نجدها وأفضل منها في جنان عدن ..

صورة إحترافية .. تنتظر إنتقاداتكم . .

كانت عالقة لترى الربيع في كل مكـان .. أبت إلى أن تخاوينا ..

وحدث مالم يكن بالحسبـان ..

والعين حق ..

فبعد العز .. والشموخ ..

حقا أمرٌ لم يكن بالحسبان أبدا .. أفسد علينـا نوعا من الجو في الرحله .. إلى أنها كانت ممتعه .. بذكرياتها ..

==

ماتلاحظون نسيت الكاف )

ترجع للكاف ..

==

والله وكينعفط الجنط علينا بتاع الرنج ..

وندور الكفر السبير .. الا وهو مبنشر على خوينا يوم طلع من الدمام ..

يعني الحل .. يمين يسار .. وش السالفه وش الدبره ..

كنقعه .. مو فقعه يعني انواع النقعاااات ..

والله ويصير جنبنا فيضة مهيب فيضه .. حقت طريق .. ونوقف فيها ..

وننزل الشباب .. وننزل العده ..

وناخذ الكفرين .. ورحنا لأقرب قريه من عندنا الي هي الشملول ..

تبعد عننا 30 كيلو .. وفيه ردمية حقت كهرب توهم مسوينها .. يعني وضعنا ولله الحمد 10 على 10 ..

وصلنا لبتاع القريه .. حق البنشر .. يا ولد فك الكفر غير .. دور كفر جديد .. جنط جديد .. ماكو شيء يناسب السياره ..

ووالله مشكله الجنوط الكبيره .. تجيب بك العيد ..

والله ونروح لرماح 150 كيلو عن الشملول ..

وندور يمين يسار .. مافيه فايده .. الكلام هذا يوم طلعنا من عند الشباب الساعه 11 الصبح ..

والله وطقيناها مشوار للرياض 200 كيلو .. خخخخخخخيس ..

ونروح للوكاله بتاعت السيف وتشري جنط .. بس من جد انواع التطفير جنط بـ 2700 ريال .. يعني لو انك شاري لك جيب مديل 82 اصرف لك ..

طبعا .. الحين بعد ما شرينا الجنط .. رح دور لك كفر يركب على الجنط .. والكاله ما عندها .. يعني أم أم الفله ..

والله ونروح كذا وكاله كفرات .. برللي .. والقحطاني وكذا واحد .. والله وما عندك أحد .. يعني ايش .. خييييس .. هذا وحنا بالرياض .. وشلون الشملول ..

والله وانا من اول الطريق وانا اقول لخويي .. صدقني منتب لاقي البتاع الا عند ابو يمن ..

بعد ما تحطمنا راح لأطرف يمني .. والله ونلقا عنده .. وبسعر خيااااالي .. وأصلي .. خويي انفك راسه .. بس الحمد لله .. ركبنا الكفر ورجعنـا ..

وصلنا للشباب الساعه 7:30 في الليل .. من الساعه 11 الصبح .. الى 7:30 في الليل .. يعني احلى كشته ..

طبعا اخوانا ماكانوا خايفين أبدا أبدا .. معهم السلاح .. وكل واحد أقوى من الثاني ..<<< والله من القمطه .. بس عادي .. حنا اصلا مطلعين صغار .. هع هع <<< يبي ينجلد ..

وخذلك قصص الشباب اول ما جينا .. وجانا ابو شنب .. وجانا مدري مين .. اقولكم مهوب خايفين أبدا .. هع هع ..

وطبخنا الرز ..

ومساجله شعريه رائعه جدا ..

وحماس بين الفريقين ..

ومسابقات على الخط .. من جد تونس .. شاكرين لك يا السفير الابداعات هذي ..

ودجاج على كيف كيفك ..

ونمنا بحمد الله ورعايته تلك الليله بأمان ..

قمنا الفجر .. ولا أفطرنـا .. قلنا نبي نفطر قدام ..

ونبدى بمشوار التمشي من جديد ..

وصلنا لأم المصران .. وتمشينا فيها .. وقبلها طبعا فيه فياض من أروع ما يكون على الخط

بعد التعديل ..

خوينا راعي الكفر .. كانت قافله معاه .. ويبي يرجع .. وقلنا له في حفظ الله ورعايته ..

وجلسنـا في المعترضة .. فيضه جايه بالعرض .. رائعه جدا .. وكبيره .. ومناظرها خلابه ..

إكتشف ما بهذه الصورة قبل النزول للأسفل ..

طيور مهاجرة .. لم أكن أتوقع وجودها في هذه المناطق

الحندقوق .. بس ما جربناه هالرحله .. ليه مدري .. والله من الخبصه الي صارت لنا ..

نزلنا عدة الفطور ..

ومسكت مع الشبيبه برقر على الفطور .. احلى برقر .. وأحلى كنود . . وأحلى ظحك .. ضيع عناء الرحله كلها ..

عندما تجدب الأرض .. تصبح بهذا الشكل .. متشققه .. لا تريد أن تراها ..

وعندمـا يسقيها مولانا بالمطر .. يسوها جمالا أخاذا ..

فسبحانك يا خالي .. ومولاي ..

بعد الفطور .. والجلسه الرائعه في المعترضة .. إنطلقنا الى الرفيعه .. مرورا ببعض الفياض ..

ووجدنـا دحول ..

وهذه صور لها .. بصراحه لا أعرف أسمائها ..

بعد أن يكسوا الأرض الربيع ..

فإن مألها للإجداب .. كلما إتجهنا الى الرفيعه قل الربيع

فمن بعد أن كانت الأرض مخضّره

أصبحت لهذا المآال ..

وهذا يعطينا درسـا في معرفة الخالق المحيي ..

ونحن في طريق العوده بعد ان عدينا الرفيعه والقريه العليا

رأينا من كيفقع هناك ..

ونزلنا معهم على السريع ..

ولقطنا لنا كم كفقعه ..

ووصلنا الى الدمام بحمد الله ورعايته ..

ونحن في الطريق إذ ببعض السمثنق إنتشر في أرجاء المعموره .. هع هع ..

وتم حل المشكله ولله الحمد .. بس كانت حااااامضه .. هع هع ..

تبقلوا تحيات محبكم / أبو عادل ..

إلى طلعات أخرى بعون الله ..

وفي ختــام هــذا الموضوع .. تقبلوا .. جميع التحايا من فريق الرحله .. على أمل اللقــاء بكم في رحلات قــادمة بعون المولى عز وجل ..